Lemos e traballamos a novela Winnipeg , de Hixinio Puentes. (1ª avaliación)
Contidos teóricos para 4º PDC no ALS:
Avaliación por competencias.
Este trimestre lemos a novela Winnipeg. Imos facer unha lectura comprensiva e aproveitaremos o texto para traballar algúns aspectos da programación para os que este libro nos vén como anel ao dedo. Pero …por que escollemos esta e non outra? Pois hai varias razóns: o autor é veciño de O Barqueiro (Mañón), podemos contactar con el; ademais a historia que se conta parte dunha bisbarra próxima á nosa, O Ortegal. E, unha terceira razón, a temática da novela. Vexamos o que di a presentación editorial do libro:
Co advento das ditaduras morre a liberdade e a poesía. Así aconteceu tamén con aquel poeta chileno que fretara o Winnipeg, un dos buques da diáspora dos republicanos españois, perdedores nunha guerra fratricida. Nel van tres irmáns que deixan na vila de Cariño a súa familia masacrada pola represión. O seu delito fora artellar nos anos da república obreira o Sindicato da Industria Pesqueira e Derivados baixo o amparo da CNT. Na análise que fai Manuel Pita Armada da súa vida, os acontecementos vividos en España repítense novamente en Chile, onde Pablo Neruda e Salvador Allende son vitimados. O mundo da pesca no Ortegal, as sucesivas fugas polo mar, a Guerra Civil, os campos de concentración franceses e o medo están aquí perfilados pola man áxil e experta do escritor Hixinio Puentes.
Con este libro, xunto co traballo que fagamos en O blog de poesía intentaremos conectarnos co Proyecto colaborativo El barco del exilio. Pero iso deixámolo ata que comecemos o curso.
Presentación da lectura comprensiva.
O NOSO PROXECTO